НҰР-СҰЛТАН, 07 маусым. Ван провинциясындағы Eren терроризмге қарсы операциясының бірінші кезеңі аясында Түркия Ішкі істер министрлігімен іздеуде жүрген аса қауіпті КЖП содыры Гекхан Демир залалсыздандырылды, деп хабарлайды Anadolu агенттігі .
Ішкі істер министрлігі Vefa қайырымдылық ұйымының бір топ қызметкерлеріне жасалған қарулы шабуылға «Агит» деген құпия атымен белгілі Гекхан Демирдің де қатысы бар деп хабарлады. 2020 жылдың 15 мамырында Ван провинциясының Озалп ауданында болған шабуылда Vefa ұйымының екі қызметкері қаза болды, біреуі жараланды.
Террорист түрік жандармериясының арнайы жасағының келісілген іс-қимылдарының арқасында жойылды.
КЖП содырлары Түркиядағы жағдайды тұрақсыздандыру және елді бөлшектеу үшін қантөгіс шабуылдар жасайды.
Президент Режеп Тайып Ердоған 1984 жылдан бастап КЖП содырлары Түркияда қанды қылмыс жасағаннан бастап, 2020 жылдың наурызына дейін 7500 түрік қауіпсіздік күштерінің қызметкерлері мен 6800 бейбіт тұрғын осы қанды ұйымның қолынан қаза тапқанын айтты.
АҚШ пен Еуропа Одағы КЖП-ны лаңкестік ұйымдар тізіміне енгізді.
Анкараның жағдайды шешу жолдарын іздеуге тырысқанына қарамастан, КЖП лаңкестік ұйымы 2015 жылдың шілдесінен бастап қарулы шабуылдарды қайта бастады.
Соңғы жылдары Күрдістанның жұмысшы партиясы аймақтағы қанды қылмыстар үшін жауапкершілікті өз тармақтарына жүктеуге тырысады.
Сирияда КЖП лаңкестері PYD және YPG аттарымен жамылып жүр, ал соңғы екі жылда өздерін «Сирия Демократиялық Күштері» деп атады.
