НҰР-СҰЛТАН, 10 маусым.   Приморьеде терроризмді қаржыландырғаны үшін 29 жастағы ер адам сотталды, деп extremizmu.net сайтына сілтеме жасап ТҚК РҚБ ресми сайты хабарлайды.

Сотталушы өкініп, діндес адаммен «Одноклассники» әлеуметтік желісінде танысқанын айтты.

«Мен аударған қаражаттың барлығы адам өліміне әкелуі мүмкін еді. Мен бұған өте қатты өкінемін. Егер уақытты қайтару мүмкін болса, мен қажет емес сайттарда отырмас едім … », — дейді сотталған Даминов.

Ол әңгімелесуші хат алмасу кезінде одан отбасысы, жағдайы, жұмысы,  денсаулығы туралы сұрағанын айтты

Ер адам Приморьеге құрылыс алаңында әкесіне көмектесу үшін Өзбекстаннан келген. Ол жалақысының бір бөлігін отанына, әйелі мен баласына жіберген, ал қаражаттың басқа бөлігін, діні бойынша қиыншылыққа тап болған адамға, қайырымдылыққа жібере алатын. Сотталушының сұхбаттасы өзін жерлесі ретінде таныстырып, оның сеніміне кіріп үлгерді. Қаскүнем Даминовқа бірлескен құрылыс бизнесін құруды ұсынды және Түркиядан Ресейге көшуге уәде берді. Оның орнына ол «Джамаат Таухид ва-Джихад» ХТҰ (Ресей Федерациясының аумағында тыйым салынған ұйым) қатарына қосылып, Сирияға соғысуға аттанды. Даминовқа Сирияға келу туралы ұсыныс та келді. Белгілі болғандай, ер адам  ұстаған кезде де заңды бұзып жатқанын  білмеді.

 «Маған Сирияда біздің бауырларымыз өліп жатыр, мүмкін болса,  көмекке келсін немесе ақша жіберсін деп айтты. Мен ақшалай көмектесуге бел будым, өйткені менде қаржылық қиындықтар болған жоқ», — деді сотталған.

Тергеу мәліметтері бойынша діни мазмұндағы бейнероликтер «кәпірлерге» қарсы әскери іс-қимылдар жасауға шақырған. Даминов ұйым қатарына қосылған жоқ, бірақ оны қаржыландырды.

Террористік сипаттағы қылмысы үшін Салохиддин Даминов 13 жылға бас бостандығынан айырылды. Оның 5 жылын түрмеде, 8 жылын қатаң режимдегі колонияда өткізеді.