НҰР-СҰЛТАН, 13 маусым.  ҰҚШҰ Ауғанстаннан НАТО әскери күштері шығарылғаннан кейінгі қауіпсіздік жағдайының жағымсыз дамуына алаңдаулы. Ұйым осы тұрғыда өзінің оңтүстік шекарасын нығайтуға ниетті, деп мәлімдеді ҰҚШҰ Бас хатшысы Станислав Зась қауіпсіздік саласындағы ынтымақтастық жөніндегі ЕҚЫҰ форумында. Бұл туралы ҰҚШҰ баспасөз қызметіне сілтеме жасап «РЕФОРМБАЙ» хабарлайды, деп ТҚК РҚБ ресми сайты жазады.

 «Біздің бағалауымыз бойынша, Ауғанстан аумағында халықаралық террористік және діни-экстремистік ұйымдардың жандану қаупі, тиісінше, терроризмнің және қылмыстық есірткі трафигінің таралу ықтималдығы төмендемейді. Осы елдің аумағында және ауған шекарасындағы жағдайды тез арада реттеу ықтималдығы төмен болып қалуда.НАТО миссиясына қатысатын әскери контингент шыққаннан кейін, ресми Кабул мен «Талибан*» қозғалысы ДАИШ пен басқа экстремистік топтардың позицияларының нығаюына жол бермей, тиісті келісімдерге қол жеткізе ала ма деген сұрақ қалады», — деді Зась.

Ол Сирияда соғысқан топтар содырларының Ауғанстанға енуінен туындайтынын қосымша қауіптер туралы  баса айтты.

«ҰҚШҰ Сыртқы істер министрлері кеңесі жанындағы Ауғанстан бойынша жұмыс тобының жуырдағы отырысының қорытындыларының бірі — ҰҚШҰ-ның оңтүстік шекараларын нығайту қажет», — деді ол.

Застың айтуынша, Ауғанстандағы жағдай ЕҚЫҰ аумағында тұрақтылық пен қауіпсіздікті қамтамасыз етуде ерекше рөл атқарады. Ол елге үнемі шетелдік қолдау қажет деп санайды.

Сонымен қатар, Зась ҰҚШҰ ұжымдық жауапкершілік аймағының Шығыс Еуропалық аймағындағы әскери-саяси қауіптерге тоқталып, стратегиялық зымыранға қарсы қорғаныс жүйесінің элементтерін өрістетуді, әскери топтарды өрістетуді атап өтті.

Ол сондай-ақ орта және қысқа қашықтықтағы зымырандарды жою туралы шартты демонтажы және Ашық аспан келісімінің күшін жоюына өкініш білдірді. Заст СНВ-3 шартын ұзартылуын өте маңызды, бірақ жалғыз оң эпизод деп атады.

* Қазақстан Республикасында тыйым салынған ұйым