НҰР-СҰЛТАН, 12 шілде.  АҚШ Ауғанстандағы зорлық-зомбылықтың өсуін бақылап отыр, деп Пентагонның баспасөз хатшысы Джон Кирбидің Fox News телеарнасына берген сұхбатына сілтеме жасап Sputnik Тәжікстан хабарлайды.

 «Біз (АҚШ — ред.) Ауғанстандағы қауіпсіздік жағдайының нашарлауына, зорлық-зомбылықтың артуына және «Талибанның» * шабуылына үлкен алаңдаушылықпен қараймыз», — деді ол.

Кирбидің айтуынша, Ауғанстандағы зорлық-зомбылық өте жоғары деңгейде.

Ол АҚШ билігі ауғандық серіктестермен «оларды қолда бар мүмкіндіктерді пайдалануға шақырып» жұмыс істеп жатқанын атап өтті.

Ауғанстанда үкіметтік күштер мен ауылдық жерлердегі маңызды аумақтарды басып алып, ірі қалаларға қарсы шабуылды бастаған «Талибан» арасындағы қарсыласу жалғасуда.

Эскалация Вашингтон 11 қыркүйекке дейін аяқтауға уәде берген американдық әскерлердің шығарылуының аясында орын алады.

Үкімет пен Талибан арасындағы қиян-кескі ұрыс бірнеше аптадан бері төрт шекаралас аудандарда жүріп жатыр. Содырлар қазірдің өзінде Ауғанстанның Бадахшан провинциясының 28 ауданының 18-ін басып алды. Жалпы, олар мамыр айынан бастап Ауғанстанның 150-ден астам аудандарын ұстап келеді.

ҰҚШҰ-дағы Тәжікстан өкілі Хасан Султоновтың айтуынша, бүгінде тәліптер тәжік-ауған шекарасының 910 шақырымын бақылайды.

* Қазақстан Республикасында тыйым салынған ұйым