НҰР-СҰЛТАН, 13 шілде.   Бүгін Қазақстан Республикасы Ұлттық қауіпсіздік комитеті өзінің 29 жылдығын атап өтуде.

1992 жылғы 13 шілдеде Қазақстан Республикасының Президенті Нұрсұлтан Әбішұлы Назарбаев отандық арнайы қызмет — Ұлттық қауіпсіздік комитетін құру туралы Жарлыққа қол қойды.

Қазақстан Республикасының Ұлттық қауіпсіздік комитеті — бұл Қазақстан Республикасының қауіпсіздігін, адамдар мен қоғамның қауіпсіздігін, конституциялық құрылысты, мемлекеттің егемендігін, аумақтық тұтастығын, экономикалық және ғылыми-техникалық әлеуетін қамтамасыз ететін арнайы мемлекеттік орган.

Тәуелсіз еліміздің мемлекеттілігін, көпұлтты Қазақстан азаматтарының сенімді қауіпсіздігін қамтамасыз етуде ҰҚК қызметі ерекше орын алады.

«Терроризмге қарсы комитет» республикалық қоғамдық бірлестігі Қазақстан Республикасы Ұлттық қауіпсіздік комитетінің қызметкерлерін құттықтайды .

Сіз бейбітшілік пен келісімді, ұлттық қауіпсіздікті нығайту, әрбір азаматтың құқықтары мен бостандықтарын сақтау, баршаның заң алдындағы теңдігін сақтау үшін ауыр жауапкершілік жүгін арқалап, заң мен құқықтық тәртіпті сенімді қорғай отырып, азаматтардың конституциялық құқықтары мен бостандықтарын қорғау, қылмыс пен сыбайлас жемқорлыққа қарсы күресте заңдылықты сақтау, ұлттық саясатты іске асыру жөніндегі міндеттемелерді сәтті орындай отырып, заңдылық пен қоғамдық тәртіптің кепілі болып табыласыз.

Әрине, мұндай маңызды мәселелерді шешу қызметкерлердің жоғары кәсіби біліктілігін, олардың адалдығы мен жауапкершілігін талап етеді. Батырлық, батылдық, тапқырлық және табандылық сияқты қасиеттердің үйлесуі мемлекет егемендігін сақтайтынын бәрі біледі, сіздің батыл және адал қызметіңіз жас ұрпаққа үлгі болып табылады.

Отанымыздың қауіпсіздік стратегиясын іске асыру жолындағы сіздің жанқиярлық еңбегіңіз жемісті  болсын, азаматтық ерлігіңіз асқақтай берсін!