НҰР-СҰЛТАН, 16 тамыз. БҰҰ Бас хатшысы Антониу Гутерриш Ауғанстандағы оқиғаларға «алаңдап» отырғанын білдіріп, Талибан мен басқа  да тараптарды тыныштыққа шақырды, деп TRT хабарлайды. 

БҰҰ Бас хатшылық секретариатының хабарламасына қарағанда, Гутерриш қақтығыстар барысында мыңдаған адамның үйлерінен кетуге мәжбүр болғанын және адам құқықтарын бұзушылық хабарлары келіп жатқанына назар аударды.  Ол Ауғанстанда әсіресе қыз балалар мен әйелдердің жағдайына алаңдайтынын білдірді. Талибан мен басқа да тараптарды бейбіт халықтың қауіпсіздігін сақтауға шақырды.