НҰР-СҰЛТАН, 21 қыркүйек. Елдегі 10 мыңға жуық мектепте террористік қауіптілік әлі де жоғары, деп хабарлайды Atameken Business.  

100% бейнебақылау жүйесімен жабдықталғанына қарамастан, білім ошақтарының 55% бекітілген стандарттарға сәйкес келмейді. Мұны Министр Аймағамбетовтің өзі мойындады. Негізі, бұл мәселені шешу үшін жергілікті бюджеттерден 1,4 миллиард теңге бөлініпті. Ал мектептердегі дабыл түймелерінің саны небәрі – 648 ғана. Оған 828 млн теңге жұмсалған. Бұдан бөлек, бүгінде оқу ордаларын турникеттер мен ата-аналардың телефонымен біріктірілген арнайы кіру карталарымен қамту жоспарланып отыр.