НҰР-СҰЛТАН, 01 қазан. АҚШ соты бейсенбі күні 2019 жылы Калифорния штатындағы синагогада оқ атқан 22 жастағы Джон Ирнестті өмір бойына бас бостандығынан айырды. Бұл туралы CNN телекомпаниясына сілтеме жасап ТАСС хабарлайды, «Терроризмге қарсы комитет» РҚБ ресми сайты жазады.
Телекомпанияның хабарлауынша, бұл шешім мерзімінен бұрын бостандыққа шығу құқығынсыз өмір бойына бас бостандығынан айыруды қарастырады. Ирнест кінәсін мойындауына байланысты өлім жазасынан құтыла алды. Бұл келісімді шілде айында Сан-Диегодағы (Калифорния штаты) Жоғарғы сот мақұлдады.
2019 жылдың 27 сәуірінде Джон Ирнест Поуэй қаласындағы синагогасында келушілеріне оқ жаудырды. Қарулы шабуыл нәтижесінде бір адам қаза тауып, тағы үшеуі жарақат алды. Поуэй қаласының мэрі Стив Вос бұл оқиғаны жеккөрушілік себептерімен жасалған қылмыс деп атады.
