НҰР-СҰЛТАН, 02 қазан. Нұр-Сұлтан полициясына Қазақстандағы Беларусь елшілігінің электронды поштасына жарылғыш зат қойылған деген хат жіберілгені туралы хабарлама келді, деп хабарлайды Sputnik Қазақстан , деп «Терроризмге қарсы комитет» РҚБ ресми сайты жазады.
Нұр-Сұлтан полиция департаментінің күштері тексеру жүргізді, ақпарат расталған жоқ.
Елшілік аумағында жарылғыш заттар табылған жоқ.
Аталған факті бойынша сотқа дейінгі тергеу басталды, жедел-іздестіру шаралары жүргізілуде.
Нұр-сұлтан қаласының полиция департаменті жарылғыш заттың салынғаны туралы көрінеу жалған хабарлау қылмыстық жауапкершілікке әкелетінін ескертеді. Полиция азаматтардан дүрбелең туғызбауды және мессенджерлерге жалған хабарламалар жібермеуді сұрайды.
