НҰР-СҰЛТАН, 12 қазан. Мәскеу полицейлері Алжир, Абхазия, Грузия елшіліктерінде, сондай-ақ елордадағы үш стадион мен Внуково әуежайының жарылыс қаупі туралы ақпараттан кейін тергеуге дейінгі тексеруді бастады. Бұл туралы құқық қорғау органдарындағы дереккөзге сілтеме жасап ТАСС хабарлайды, деп «Терроризмге қарсы комитет» РҚБ ресми сайты жазады.

11 қазан күні кешке Ресей ІІМ Бас басқармасының Орталық әкімшілік округі (ОӘО) бойынша ішкі істер басқармасының кезекші бөліміне ер адамнан электрондық пошта арқылы хат келді. Хатта ол Алжир, Абхазия, Грузия елшіліктеріне көмекшілері арқылы бомбалар орнатып, «Мәскеу қаласында керемет қойылым» ұйымдастыруға уәде берді. Қаскүнемнің өзі дрондардың көмегімен «Ресей темір жолдары -Арена», «Лужники», «Открытие Банк Арена» стадиондарын, сондай -ақ Внуково әуежайын жарып жіберемін деп сес көрсетті», — деді ақпарат көзі.

Мамандар бұл нысандарда тексеру жүргізді, жарылғыш құрылғылар мен жарылғыш заттар табылған жоқ. Тексеру кезінде эвакуация жүргізілген жоқ. «Миналау» туралы ақпарат жалған болып шықты. «Осы факті бойынша тергеуге дейінгі тексеру басталды», — деп қосты ақпарат көзі.