НҰР-СҰЛТАН, 19 қазан.  Елордалық полицейлер  алдын алу шарасы аясында қалаға есірткінің ірі партиясын жеткізу арнасын жойды, деп хабарлайды Polisia.kz.

Жедел-іздестіру шаралары барысында 26 жастағы астаналық тұрғын ұсталды. Полицейлер күдікті машинаны тексеру кезінде артқы орындыққа жасырылған пакетті тапқан. Ішінен бір жарым келі синтетикалық мефедрон есірткісі мен бір келіге жуық гашиш табылды.

Күдікті есірткі затын сату кезінде ұсталды .

Белгілі болғандай, күдікті алдын ала жоспар құрып, синтетикалық есірткіні еліміздің басқа өңірлеріне де арнайы схема бойынша жеткізіп отырған.

Аталған факт бойынша сотқа дейінгі тергеу жұмыстары басталды.