НҰР-СҰЛТАН, 24 қазан. Пышақпен қаруланған ер адам жұма күні Коломб қаласында (Париждің солтүстік-батысында, О-де-Сен департаменті) полиция қызметкерлеріне шабуыл жасамақ болды, деп Agence France-Presse агенттігі (AFP) хабарлайды. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты хабарлайды.
Полициядағы дереккөздің хабарлауынша, оқиға автокөлік жүргізушілерінің құжаттарын тексеру кезінде болған. Адамдардың бірі агрессия көрсетіп, тәртіп сақшыларына бөтелке лақтырып жіберді, содан кейін пышақпен қаруланып, исламшыл ұрандарды айқайлап, полиция қызметкерлеріне қарай бет алды. Полиция қызметкерлері шабуылдаушыға табельдік қарудан оқ жаудырды. Өте ауыр жағдайда бұл адам ауруханаға жатқызылды.
Қолда бар мәліметтерге сәйкес, шабуылдаушы француз азаматы. Сонымен бірге, ол радикалды ислам идеяларына қосылуға және террористік шабуылдар жасауға бейім адамдардың ұлттық электрондық мәліметтер базасында жоқ.
Францияның Ішкі істер министрі Жеральд Дарманен полицейлерді операцияның сәтті аяқталуымен құттықтады.
«Біз қазір бұрынғыдан да қырағы болуымыз керек, ал полиция алдыңғы қатарда болуы керек», — деді министр.
