НҰР-СҰЛТАН, 03 қараша. Сейсенбі күні Австрияда 2020 жылы Венадағы теракт құрбандарын еске алу рәсімі өтті. Австриялықтар қала орталығындағы шабуылдың бір жылдығында қайғылы оқиға болған жерге гүл шоқтарын қойды, деп хабарлайды ТАСС тілшісі оқиға орнынан.
Теракт болған ауданда орналасқан Рупрехткирхе шіркеуінде Австрияның жоғары саяси басшылығының қатысуымен ресми еске алу рәсімі өтті. Оған республика президенті Александер Ван дер Беллен, канцлер Александер Шалленберг, Австрия халықтық партиясының қазіргі жетекшісі және экс-канцлер Себастьян Курц қатысты.
2020 жылдың 2 қарашасында Венада төрт адам қаза тауып, 20-дан астам адам жараланған теракт орын алды. Шабуылдаушының көзі жойылды, полиция оны «Ислам мемлекеті*» террористік тобының жақтаушысы деп атады. Атысты 2019 жылы түрмеден шартты түрде мерзімінен бұрын босатылған Австрия және Солтүстік Македония қос азаматтығы бар, террористік бабы бойынша сотты болған 20 жастағы Күйтим Фейзулай ұйымдастырған.
* Қазақстан Республикасында тыйым салынған ұйым
