НҰР-СҰЛТАН, 04 қараша. Гватемалада Панамадан келген кемеден 600 келіден астам кокаин тәркіленді. Бұл туралы дүйсенбі күні Гватемала прокуратурасы өзінің Twitter-інде жазды, деп хабарлайды ТАСС.

«Есірткіге қатысты қылмыстарға қарсы күрес прокуратурасы полициямен бірлесе, екі контейнерді тексеруді аяқтады, олардан жалпы саны 616 бумаға салынған <…> кокаин табылды», — делінген хабарламада.

Есірткі партиясы елдің Кариб теңізі жағалауындағы Санто-Томас-де-Кастилья портына кірген кемедегі екі контейнердің ішіне жасырылған.

Өткен жылы Гватемалада 13,6 тоннадан астам кокаин тәркіленген.Елде бұл есірткі затының ең көп мөлшері 2019 жылы тәркіленді: сол кезде контрабандашылардан 19 тоннадан астам кокаин тәркіленді.

Есірткі саудагерлері Гватемала аумағын АҚШ-қа есірткі жөнелтілімдерін тасымалдау үшін жиі пайдаланады. Тасымалдау үшін олар көбінесе қайықтар мен жеңіл ұшақтарды пайдаланады.