НҰР-СҰЛТАН, 10 қараша. Эквадордың құқық қорғау органдары өткен тәулікте 1,3 тоннадан астам есірткіні тәркіледі, деп республика полициясына сілтеме жасап ТАСС хабарлайды.

«Соңғы тәулікте есірткіге қарсы 12 операция барысында 10 азамат ұсталды және  1310 келі есірткі алынды. Заңсыз нарыққа келтірілген залал $120 968  құрады», — делінген хабарламада.

Контрабандашылар есірткіні Оңтүстік Америкадан аймақтың басқа елдеріне кейіннен Еуропа мен АҚШ-қа жеткізу үшін Эквадор аумағын жиі пайдаланады. Жыл басынан бері республикада 164 тоннадан астам түрлі есірткі заттары тәркіленді.