НҰР-СҰЛТАН, 13 қараша. Могадишодағы Вилла Байдоа әскери штабы маңында әскери көлікке жасалған шабуылда 3 кісі қаза тапты, деп TRT агенттігі хабарлайды.
Сомалидің бас қаласы Могадишода жанкешті шабуылшының Африка Одағы Сомали күшінің көлігіне жасаған шабуылында кемінде 3 кісі қаза тапты.
Полиция басшысы Абдифетах Хасан Могадишодағы Вилла Байдоа әскери штабы маңында әскери көліктің нысанаға алынғанын айтты.
Жанкешті шабуылда 3 кісі қаза тапқанын және көптеген адамның жараланғанын айтқан Хасан бұл адамдар арасында Африка Одағы Сомали күшінің қызметкерлері бар-жоқтығы анық емес екенін білдірді.
Куәгерлер ауруханаға жеткізілу алдында оқиға болған жерде көптеген адамның жерде жатқанын көргенін айтты.
Жанкешті шабуылды әлі ешкім мойнына алмады.
