НҰР-СҰЛТАН, 16 қараша. Бүгін Әзірбайжанның Мемлекеттік кеден комитеті Ираннан жалпы салмағы 218,334 келі болатын есірткінің ірі партиясының контрабандасына жол бермеу бойынша тағы бір сәтті операция туралы хабарлады, деп Синьхуа агенттігі жазады.
Кеден комитетінің мәліметінше, Билясувар кеден бекетінің қызметкерлері Ираннан Әзірбайжанға бара жатқан сұйық сабын мен жөргектер салынған жүк көлігін тексеру кезінде жанармай багының құпия жерінде жалпы салмағы 218 келі болатын 205 пакет героин тапқан.
