СТЕПНОГОРСК, 29 қараша. Степногорск қаласында есірткі жасырумен айналысқан үшеу ұсталды, – деп хабарлайды Polisia.kz.

Республикалық “Рефлекс-2021” жедел-іздестіру іс-шараларын жүргізу барысында Степногорск қаласының аумағында синтетикалық есірткіні жасырып салу жолымен таратқан құрамында 19-20 жас аралығындағы үш адам ұсталды.

Ұсталғандардың біреуін жеке тінту барысында қара тоқты оқшаулауға арналған жолаққа оралған 3 түйіншек табылып, алынды. Олардың әрқайсысының ішінде А–PVР а-пирролидинвалерофенон психотроптық заты бар полиэтилен пакеттер болды. Сондай-ақ, ұсталғандардың телефондары тәркіленіп, олар арқылы жасырын орын мен хат алмасу тіркелді.

Жедел уәкілдер күдіктілердің Нұр-Сұлтан қаласынан келгенін, пәтер жалдап, онда есірткі заттарын өлшеп-орағанын анықтады. “Жұмыс” барысында екеуі орама жасады, үшінші күдікті олардың қауіпсіздігін қамтамасыз етіп, “шухерде” тұрған. Ұстау барысында жастар өздері жасап үлгерген жасыру орындарын көрсетті, олардан 8 жасырылған есірткі алынды.

Сонымен қатар, есірткінің негізгі салмағы, электронды таразылар, зип-пакеттер және т.б. пәтерден тыс, арнайы бөлінген жасырын орында сақталған, сол жерден жедел уәкілдер 125 грамнан астам а–PVР психотроптық заттарды тәркіледі.

– Ұсталғандарға қатысты ҚР ҚК-нің 297-бабының 3-бөлігі бойынша (Адамдар тобында алдын ала сөз байласу арқылы жасалған синтетикалық есірткі құралдарын, психотроптық заттар мен сол тектестерді аса ірі мөлшерде, электрондық ақпараттық ресурстарды пайдалану арқылы заңсыз өткізу) сотқа дейінгі іс жүргізу басталды. Күдіктілердің екеуі уақытша ұстау изоляторына қамалды, – деді Ақмола облысы ПД есірткі қылмысына қарсы іс-қимыл басқармасының бастығы Мейрам Жапбасов.

– Бүгін есірткі сатқаны үшін өздерінің қаржылық мәселелерін шешу үшін есірткі бизнесіне баратын жас жігіттер мен қыздарды ұстап жатқанымыз өкінішті. Әр жасырып салушы – бұл өз жолдастарын құртатын сатушы және өлтіруші екенін түсінуі керек, – деп түйіндеді М.Жапбасов.