НҰР-СҰЛТАН, 26 желтоқсан. Дағыстанда терроризммен күрес жылдарында ресми дін өкілдерінің 60-тан астам қызметкері содырлардың қолынан қаза тапты, деп Ұлттық саясат министрлігінің баспасөз қызметінің мәлімдемесіне сілтеме жасап Федералды жаңалықтар агенттігі  (ФАН) хабарлайды, деп «Терроризмге қарсы комитет» РҚБ ресми сайты жазады.

«Терроризммен күрес жылдарында Дағыстанда 60-тан астам дін қызметкері қаза болды, 20-ға жуығы жарақат алды», — деп атап өтті министірлікте.

Министрліктің дін істері басқармасының бастығы Расул Гаджиевтің айтуынша, республиканың ресми дінбасылары аймақта экстремистік идеялар мен оларды насихаттаған адамдардың таралуына назар аударған алғашқы күш болды. Алайда, сол кезде шенеуніктер жеке идеологиялардың таралуының зияндылығы туралы ескертулерді байыпты қабылдамады.

«Экстремистік және террористік идеологияның қауіптілігіне бірінші болып Дағыстанның ресми дінбасылары назар аудара бастады. Ваххабизм өкілдерінің шенеуніктерге, мемлекеттік билік өкілдеріне барып, өздерінің кейбір мәселелерін шешкілері келетінін айтқаны есімде. Осы кезде мүфтият өкілдері олардың мүлде басқа мақсаттар мен міндеттер бар екенін ескерткенімен, шенеунік түсінбей, оны жайына қалдыруды өтінді. Ақыр соңында, мемлекет бұл мәселелермен айналысуға мәжбүр болды», — деді Гаджиев Дағыстан МТРК эфирінде.

Өткен ғасырдың 90-жылдарының ортасынан бастап Дағыстанды террористік актілер дүр сілкіндірді, салдарынан бейбіт тұрғындар қаза болды. Сонымен қатар, содырлар құқық қорғау органдарының қызметкерлері мен дін қызметкерлерінің ресми өкілдеріне қарсы террористік шабуылдар ұйымдастырды. Осы қылмыстар облыста бірнеше жыл бұрын тоқтатылған.

Бұған дейін ФАН 1990 жылдары террористер Дағыстанның 900-ге жуық тұрғынын құнын төлету үшін ұрлап әкеткенін, кейін олар көрші Шешенстан аумағына жеткізілгенін хабарлады. Олардың жартысының тағдыры белгісіз.