НҰР-СҰЛТАН, 03 қаңтар. Жаңа жылды тойлау және балалардың мерекелік ертеңгіліктерге қатысуы мұсылмандардың діни сеніміне қиянат жасамайды, деп РИА Новостиге РФ Қоғамдық палатасының ұлтаралық және дінаралық қатынастарды үйлестіру жөніндегі комиссиясы төрағасының орынбасары, Ресей мұсылмандарының рухани жиналысының төрағасы мүфти Альбир Крганов айтып берді, деп «Терроризмге қарсы комитет» Республикалық қоғамдық бірлестігіның ресми сайты жазады.

«Бұл мәселе бойынша Ресейде де, шетелде де нақты түсініктемелер бар, олар мұсылмандарға белгілі. Жаңа жыл еліміздің зайырлы мерекесі, ол көп жылдардан бері күнтізбеде бар, және мұсылмандар бұл күні бүкіл әлеммен бірге қуанып, өздерінің дүниетанымы мен сенімінен айнымайды. Олар бәрін түсінеді және мерекеге дейін де, мерекеден кейін де сол мұсылман болып қала береді», — деді ол мұсылман отбасыларының балалары жаңа жылдық шыршаларға қатыса ала ма деген сұраққа жауап бере отырып.

Мүфти бұл мәселе көптеген діндарларды алаңдатып отырғанын атап өтті.

«30 жылдан астам рухани қызмет өткергенімше, жылдан жылға бұл сұрақтар қайталануда: болады ма, болмайды ма, қалай», — деп түсіндірді ол.

Соған қарамастан, радикалдардың басқа дін өкілдерімен Жаңа жылды тойлау ортақ қуанышын иманнан ауытқу ретінде көрсету әрекеттері дұрыс емес, деп санайды Крганов: «бұл дұрыс емес, және олай істеуге де болмайды».