НҰР-СҰЛТАН, 04 қаңтар. Шиит жауынгерлері Сирияда Сауд Арабиясы құрған және қаруландырған экстремистік топтарға қарсы соғысқан. Бұл мәлімдемені дүйсенбі күні шииттік «Хезболла» партиясының басшысы Хасан Насрулла жасады. Al Mayadeen арнасы арқылы таратылған үндеуде ол Эр-Риядтың «Хезболлахтың» террористік әрекетке қатысы бар деген айыптарын жоққа шығарды. Бұл туралы ТАСС агенттігіне сілтеме жасап «Терроризмге қарсы комитет» Республикалық қоғамдық бірлестігіның ресми сайты хабарлайды.
«Шиит жауынгерлері Сирия мен Ирактағы бейбіт тұрғындарды қорғады, ал Сауд Арабиясы сол жаққа қолдарынан әйелдер, балалар мен қарт адамдар қаза тапқан ислам радикалдары мен жанкештілерді жіберді», — деді Насрулла. Ол сондай-ақ «Аймақтағы «Ислам мемлекеті»* террористік тобы әрекетінің артында Саудияның билеуші топтары тұрғанын» баса айтты.
«Біз Сауд Арабиясына шабуыл жасаған жоқпыз, бірақ ол Америка Құрама Штаттарының еркіне сай Йеменде соғыс бастап, Сирияға қарсы қастандықтың қатысушысы болды», — деді шиит саясаткері.
Ливанның Премьер-министрі Наджиб Микати өз кезегінде дүйсенбіде «Хезболла» басшысының мәлімдемесі Бейруттың ресми ұстанымын көрсетпейтінін айтқан мәлімдеме жасауға асықты. «Парсы шығанағындағы араб мемлекеттеріне, әсіресе Сауд Арабиясына жасалған шабуылдар Ливан халқының мүдделеріне және үкіметтің елді дағдарыстан шығару үшін жасап жатқан күш-жігеріне сәйкес келмейді», — деді ол.
Елшілерді кері шақыру
Бұған дейін өткен жылдың қазан айының соңында басталған Бейрут пен Парсы шығанағындағы араб монархиялары арасындағы дипломатиялық жанжалдың себепшісі 3 желтоқсанда отставкаға кеткен республиканың ақпарат министрі Джордж Кордахи болды. Ол Сауд Арабиясының әділетсіз және қатыгез агрессиясына қарсы тұрған Йемендік хуситтік бүлікшілерді қорғады.
Эр-Рияд Кордахидің сөздерін Йеменнің заңды үкіметін қолдайтын корольдік ұстанымын жала жабу және бұрмалау деп атады. Сауд Арабиясының, одан кейін Бахрейн, Кувейт және Біріккен Араб Әмірліктерінің билігі Ливан елшілерін елден шығарып, Бейруттағы дипломаттарын кері шақырды. Сонымен қатар, Эр-Рияд ливандық көкөністер мен жемістердің импортын тоқтатты, бұл республика экономикасына зиян тигізді.Сауд Арабиясының Сыртқы істер министрі ханзада Фейсал бен Фархан Әл Сауд Al Hadath телеарнасына «Шығанақ елдері мен Ливан арасында дағдарыс жоқ» деп мәлімдеді. Оның айтуынша, «мәселе Ливанның оның үкіметін толығымен бақылайтын «Хезболла» тұлғасындағы ирандық агенттердің үстемдігінде болуында».
