НҰР-СҰЛТАН, 11 қаңтар. Германия «Ислам мемлекеті» террористік тобына қарсы күрес жөніндегі батыс коалициясының операциясына ГФР Қарулы Күштерінің қатысу мандатын ұзартпақшы. Бұл туралы DPA агенттігіне сілтеме жасап ТАСС хабарлайды, деп «Терроризмге қарсы комитет» РҚБ ресми сайты жазады.

Бұған дейін мандат Бундесвердің Иракта және ресми түрде Сирияда болуын білдірді, өйткені неміс барлау ұшақтары Сирия әуе кеңістігіне ұшып керетін.ГФР бұдан былай мұндай рейстерді орындамау туралы шешім қабылдағаннан кейін жаңартылған мандатында тек Иракты атап өту туралы шешім қабылданды.

Бұл ретте операцияға қатыса алатын әскери қызметшілердің саны өзгеріссіз қалады — 500. Қолданыстағы мандат 31 қаңтарда аяқталады, оны тоғыз айға ұзарту жоспарлануда.

Мандатты ұзарту туралы СІМ басшысы Аннален Бербек пен Қорғаныс министрлігінің басшысы Кристина Ламбрехт келісті, тиісті хат парламенттік фракциялардың басшыларына жіберілді. Министрлер кабинеті бұл тақырыпты сәрсенбіде талқылайды деп күтілуде. Соңында, шешімді Бундестаг бекітеді.

* Қазақстан Республикасында тыйым салынған ұйым