НҰР-СҰЛТАН, 16 қаңтар. Вашингтон полициясы Колливиллдегі (Техас штаты) синагогада адамдарды кепілге алуға байланысты сақтық шарасы ретінде діни мекемелердің маңындағы патрульдерді күшейтеді, деп ТАСС агенттігіне сілтеме жасап «Терроризмге қарсы комитет» РҚБ ресми сайты хабарлайды.
«Қазір [Колумбия] аймақта нақты қауіп жоқ болғанымен, елордалық полиция діни мекемелердің айналасында бақылауды күшейтеді», — делінген сенбі күні Twitter-дегі полиция жазбасында.
ABC телеарнасы бұған дейін төрт адамның, оның ішінде раввиннің де кепілге алынғанын хабарлаған .
Телекомпанияның хабарлауынша, кепілге алған адам жарылғыш құрылғылары бар екенін айтады.
Аты-жөнін атамаған билік өкілінің телеарнаға хабарлауынша, қарулы ер адам терроризм үшін сотталған Аафия Сиддиккинің ағасы екенін айтып, оны босатуды талап етіп отыр. Сиддикки жазасын Техастағы әскери-әуе күштерінің базасында өтеп жатыр, ол 2010 жылы АҚШ сарбазын өлтіруге әрекеттенгені үшін 86 жылға сотталған және «Әл-Қаида»* лаңкестік тобымен байланысы бар деген күдікке ілінген.
Арнайы қызметтер күдіктінің жеке басын анықтап жатыр.
* Қазақстан Республикасында тыйым салынған ұйым
