НҰР-СҰЛТАН, 08 ақпан. Ауғанстанның шығысындағы Нангархар провинциясында «Ислам мемлекеті» (ИМ)* лаңкестік тобына қатысы бар 50 содыр билікке берілді, деп жексенбі күні журналистерге аймақтық барлау департаментінің басшысы Мохаммад Башир мәлімдеді. Бұл туралы Синьхуа агенттігіне  сілтеме жасап «Терроризмге қарсы комитет» РҚБ ресми сайты хабарлайды.

Оның айтуынша, ИМ-нің 50 мүшесі қарулы күресті тоқтатып, Нангархардың барлау органдарына берілді.

М.Баширдің айтуынша, қаруын тастаған содырлар Нангархардың Хогиани, Чапархар, Шива, Родат, Муманд-Дара және Кот сияқты аудандарында әрекет еткен.

ИМ тобы бұл ақпаратқа әлі түсініктеме берген жоқ.

* Қазақстан Республикасында тыйым салынған ұйым