НҰР-СҰЛТАН, 16 ақпан.  Қазанда Ресейде тыйым салынған «Нұрджулар» экстремистік ұйымының ұяшығын ұйымдастырып, оның қызметіне балаларды тартқан 46 жастағы «Әл-Имам» мешітінің имамына қатысты сот үкімі күшіне енді, деп ТР бойынша ФҚҚБ мәлімдеді, деп Islam Today агенттігіне сілтеме жасап «Терроризмге қарсы комитет» РҚБ ресми сайты  хабарлайды.

Татарстан Республикасы бойынша Ресей Федералдық қауіпсіздік қызметінің басқармасының баспасөз қызметінің хабарлауынша, діни жетекші экстремистік қоғамдастықты 2020 жылы ұйымдастырған, ол кездесулер өткізіп, жаңа жақтастарды тартқан.

Сондай-ақ, имам ұйым ізбасарларының Ресей ислам институтының студенттері атын жамылып, балаларға «Исламның негіздері туралы» айтып ауылдарға баруын жеке қаражатына төлеген. . Болашақта кәмелетке толмағандарды «Нұрджулар» қатарына тарту жоспарланған болатын.

Имамға қатысты экстремистік ұйымның қызметін ұйымдастыру, сондай-ақ экстремистік әрекетті қаржыландыру баптары бойынша қылмыстық іс қозғалды. Тінту кезінде одан экстремистік бағыттағы әдебиеттер тәркіленді.

Ер адамға жалпы режимдегі колонияда алты жарым жылға бас бостандығынан айыру жазасы тағайындалды.