НҰР-СҰЛТАН, 17 ақпан. Краснодар өлкесі бойынша Федералдық қауіпсіздік қызметінің қызметкерлері Ресей Федерациясында экстремистік деп танылған және тыйым салынған «Иегова куәгерлері» діни ұйымының әрекеті  Выселки ауылында анықталды, тергеушілер төрт ұйымдастырушыға қатысты қылмыстық іс қозғады, деп РФ Тергеу комитетінің Краснодар өлкесі бойынша тергеу комитеті мәлімдеді. Бұл туралы ТАСС  агенттігіне сілтеме жасап «Терроризмге қарсы комитет» РҚБ ресми сайты  хабарлайды.

 «Ер адамдар 2017 жылы Ресей Федерациясы Жоғарғы Сотының шешімімен қызметі экстремистік деп танылып, елде тыйым салынған Выселки ауылындағы жергілікті «Иегова куәгерлері» діни ұйымының мүшелері екені анықталды. Тергеу барысында анықталғандай, сотталушылар 2020 жылдың шілдесінен 2021 жылдың шілдесіне дейінгі аралықта тыйым салынған бірлестіктің нақты жетекшілері бола отырып, аудан аумағындағы әртүрлі тұрғын және тұрғын емес үй-жайларда тыйым салынған бірлестіктің қызметін ілгерілету және жаңа мүшелерді тарту мақсатында кездесулер, сондай-ақ діни көріністер ұйымдастырған.», — делінген ведомство хабарламасында.

Олардың әрекетін Краснодар өлкесінің ФҚҚ қызметкерлері анықтап, полиция қызметкенлерімен бірге бірқатар тінтулер жүргізіп «Иегова куәгерлерінің» ілімдері туралы діни әдебиеттер, байланыс құралдары мен жазбалар табылды. Төрт ер адамға қатысты экстремистік ұйымның қызметін ұйымдастыру бабы (РФ Қылмыстық кодексінің 282.2-бабы 1-бөлігі) бойынша қылмыстық іс қозғалды. Алдын ала тергеу барысында тыйым салынған бірлестіктің қызметіне барынша белсенді қатысқан 41 жастағы сотталушы қамауға алынды.