НҰР-СҰЛТАН, 10 наурыз. Пәкістанның қауіпсіздік күштері өткен аптада Пешавар қаласындағы мешітте болған жарылысқа қатысы бар үш лаңкесті өлтірді, деп The News International газеті жазады, деп ТАСС агенттігіне сілтеме жасап «Терроризмге қарсы комитет» РҚБ ресми сайты  жазады.

Басылымның ақпараты бойынша, арнайы операция барысында Хайбер-Пахтунхва провинциясында әрекет еткен «Ислам мемлекеті»* лаңкестік ұйымының ұяшығы жойылды. Оның құрамына кірген экстремистер бейбіт тұрғындар мен полицияға жасалған шабуылдарға, сондай-ақ Пешавардағы мешітте жарылысқа  жауапты екені анықталды. Залалсыздандырылған лаңкестердің жеке басы анықталды.

Бұл шабуылдың тікелей орындаушысы бұрын Ауғанстанға барып, ДАИШ-пен байланыс орнатқан Ихсанулла есімді жергілікті тұрғын., Полицияның мәліметінше, ол Ауғанстанда Пешавардағы шабуылға дайындалған.

4 наурызда екі қарулы жанкешті Пешавар қаласындағы (Пәкістанның Хайбер-Пахтунхва провинциясының орталығы) мешітте жұма намазына бармақ болды. Олар ғимараттың кіреберісін күзетіп тұрған полицейлерге оқ жаудырған. Атыс кезінде экстремистердің бірі мешітке басып кіріп, денесіне  бекітілген жарылғыш затты іске қосқан. Жарылыс салдарынан 64 адам оқиға орнында қаза тауып, 194 адам жараланған.

* Қазақстан Республикасында тыйым салынған ұйым