НҰР-СҰЛТАН, 23 наурыз. Нигерияның Кадуна уәлаятында ұйымдастырылған қарулы шабуылда 34 адам ажал құшты, деп TRT агенттігіне сілтеме жасап «Терроризмге қарсы комитет» РҚБ ресми сайты хабарлайды. 

Кадуна уәлаяты қауіпсіздік және ішкі істерге жауапты басшысы Самануэль Аруван жасаған мәлімдемесінде 20 наурызда қарулы адамдардың уәлаяттың Каура аймағында қарулы шабуыл жасағанын білдірді.

Шабуылдан кейін аймақтағы қауіпсіздік күштерінің іздеу жұмыстарын бастағанын түсіндірген Аруван «Өкінішке орай осы таңға дейін 34 адамның мәйіті табылды» деп көрсетті.