НҰР-СҰЛТАН, 01 сәуір. Жұма күні Ауғанстанның оңтүстігіндегі Гильменд провинциясында өткен соғыстардан қалған жарылғыш заттың жарылуы салдарынан бес бала қаза тауып, тағы екеуі жараланды, деп Бахтар мемлекеттік ақпарат агенттігі мәлімдеді. Бұл туралы «Синьхуа » агенттігіне сілтеме жасап «Терроризмге қарсы комитет» РҚБ ресми сайты хабарлайды.
Маржа аймағындағы лагерьде жергілікті уақыт бойынша сағат 09:00-де бір топ бала ойыншық тәрізді құрылғы тауып алып, онымен ойнап жатқанда жойқын жарылыс болды. Бомба жарылып, бес бала оқиға орнында қаза болды, тағы екеуі жарақат алды, оның ішінде бір қыз, деп хабарлайды агенттік.
Ауғанстан миналардан ең көп зардап шеккен елдердің бірі болып табылады. Қырық жылдан астам соғыстан қалған жарылмаған оқ-дәрілер жиі жарылып адамдарды, соның ішінде балаларды өлтіреді немесе мүгедек етеді.
