НҰР-СҰЛТАН, 07 сәуір. Сот интернетте терроризмді насихаттау ісі бойынша күдікті болған, Ресей Федерациясында тыйым салынған «Ислам мемлекеті» * (ИМ) террористік ұйымының қолдаушысын үш жылға бас бостандығынан айырды, деп Ресей Федералдық қауіпсіздік қызметінің Владимир облысы бойынша баспасөз қызметі мәлімдеді. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты  хабарлайды.

Өткен жылдың қыркүйегінде сотталушы Telegram желісінде ИМ-ді насихаттайтын видеолар жариялаған. Заңсыз әрекеттерді Владимир облысы бойынша Ресей ФҚҚБ-ның және мекеменің аймақтық және Мәскеудегі орталық аппаратының қызметкерлері анықтады.

«2-Батыс аудандық әскери соты айыпталушыны Ресей Федерациясының Қылмыстық кодексінің 205.2 бабының 2-бөлігінде (террорлық әрекетке жария түрде шақыру, терроризмді жария түрде ақтау немесе терроризмді насихаттау) көзделген қылмысты жасағаны үшін кінәлі деп таныды. Ол жазасын жалпы режимдегі колонияда өтеумен 3 жыл мерзімге бас бостандығынан айыру жазасына кесілді», — делінген хабарламада.

 Баспасөз қызметінің мәліметінше, сотталушы Орталық Азия аймағындағы республикалардың бірінің азаматы, радикалды ислам ұстанушысы. Сондай-ақ ол 2,5 жылға электронды және ақпараттық-телекоммуникациялық желілерді пайдаланатын сайттарды басқару құқығынан айырылды.

* Қазақстан Республикасында тыйым салынған ұйым