НҰР-СҰЛТАН, 16 сәуір. Ресейдің Қырым Республикасы мен Севастопольдегі Федералдық қауіпсіздік қызметінің қызметкерлері көп кезеңді арнайы операция барысында Севастопольде синтетикалық мефедрон есірткісін өндіретін жасырын зертханасын тауып, құны 15 миллион рубльге жуық есірткіні тәркіледі, деп ведомство баспасөз қызметі мәлімдеді, деп Stopterror.uz сілтеме жасай отырып «Терроризмге қарсы комитет» РҚБ ресми сайты  жазады.

 «1986 жылы туған есірткіге тәуелді ер адам мен 1996 жылы туған әйел Севастополь қаласының аумағындағы жеке шаруашылықтардың бірінде мефедрон өндірісін ұйымдастырып, оны көтерме бетбелгілер арқылы шектеусіз адамдарға өткізгені анықталды. Қаскүнемдер ФҚҚ қызметкерлерімен ұсталды »  , — деп хабарлады Қырым Республикасындағы ФҚҚ баспасөз қызметі.

Анықталғандай, зертхана орналасқан жеке үйді тінту кезінде өндірістің соңғы кезеңіндегі 2,2 келі мефедрон, есірткі жасауға арналған түрлі заттар салынған 20 литрлік бес канистр, зертханалық құрал-жабдықтар табылып, тәркіленді. Сондай-ақ сату үшін оралған 200 грамм есірткі – PVP  («тұз») және бірнеше ондаған доза кокаин, LSD, MDMA («экстази»), мефедрон және каннабис тәркіленді. Күдіктілерге қатысты алдын ала сөз байласу арқылы адамдар тобының құрамында аса ірі көлемде есірткіні заңсыз өндіру және өткізу әрекеті бойынша қылмыстық іс қозғалды.

 «Сонымен қатар,бұған дейін,  осы аймақтағы есірткіге тәуелді адамдарға бетбелгілер арқылы есірткіні сату үшін жоғарыда аталған зертханадан есірткі сатып алған екі курьер, 23 жастағы ер адам мен 22 жастағы әйел ұсталды.Олардын тұрғылықты жерінен 1,5 келі мефедрон, 0,5 келі амфетамин, сондай-ақ бөлшек саудаға оралған дозада «тұз» және мефедрон тәркіленді», — деп толықтырды ведомстводан. Баспасөз қызметінің мәліметінше, қазірдің өзінде наркокурьерлерге қатысты қылмыстық істер сотқа жолданған.

Көп кезеңді арнайы операцияның нәтижесінде заңсыз айналымнан 5 келіге жуық есірткі заты тәркіленгені атап өтілді. Олардың қара нарықтағы құны шамамен 15 миллион рубльге бағаланады.