НҰР-СҰЛТАН, 27 сәуір. Сәрсенбі күні таңертең Ауғанстанның солтүстігіндегі Құндыз қаласының (аттас провинцияның әкімшілік орталығы) аудандарының бірінде жарылыс болды, деп Синьхуа агенттігі хабарлайды. Бұл туралы ТАСС агенттігіне сілтеме жасай отырып «Терроризмге қарсы комитет» РҚБ ресми сайты хабарлайды.

Агенттіктің мәліметінше, оқиғадан кем дегенде екі бейбіт тұрғын зардап шеккен. Елдегі билікті басып алған радикалды «Талибан» қозғалысы бұл ақпаратқа әзірге түсініктеме бермегені атап өтілді.

Бұл Құндыз провинциясында соңғы бірнеше күнде орын алған екінші жарылыс. Өткен жұмада ауғандық БАҚ Имам Сахиб ауданындағы мешітте жарылғыш заттың іске қосылғаны туралы хабарлаған болатын. «Талибан» бұл ақпаратты растап, 33 адам қаза тауып, 43 адам жараланған мәлімдеген.

 Соңғы айларда Ауғанстанның бірнеше провинциясында, соның ішінде астаналық аймақта бірнеше жарылыстар, қарулы шабуылдар мен атыстар орын алды,салдарынан тәліптер де, жергілікті тұрғындар да құрбан болды. Осы оқиғалардың көпшілігі үшін жауапкершілікті Ресей Федерациясында тыйым салынған «Ислам мемлекеті»* лаңкестік ұйымының бір тармағы «Хорасандағы Ислам мемлекеті» өз мойнына алды.

* Қазақстан Республикасында тыйым салынған ұйым