НҰР-СҰЛТАН, 01 мамыр. Сомалидің оңтүстігінде сенбі күні таңертең болған жарылыстан он сарбаз қаза тауып, тағы адамдардың белгісіз саны жараланды, деп әскери ақпарат көздері хабарлайды. Бұл туралы Синьхуа агенттігіне сілтеме жасап «Терроризмге қарсы комитет» РҚБ ресми сайты хабарлайды.

Сомали ұлттық армиясының радиосы оқиғаның әскери қызметкерлердің колоннасы Балад пен Джоухар аудандары арасындағы жолда «Аш-Шабаб» радикалды лаңкестік тобының лаңкестері орнатқан қолдан жасалған жарылғыш затқа тап болған кезде орын алғанын хабарлады.

 «Оқиға түн ортасында жоғары шенді офицер басқарған әскери көліктер кортежі Могадишодан Джоухарға бет алған кезде болды», — деп хабарлады радио.

Сомалидегі соңғы шабуылды «Әл-Қаидамен»* байланысы бар «Аш-Шабаб» лаңкестік тобы өз мойнына алды. Елде өтіп жатқан сайлау үдерісіне қарсылық білдірген «Аш-Шабаб» содырлары делегаттарға қарсы бірқатар шабуылдар ұйымдастырды.

* Қазақстан Республикасында тыйым салынған ұйым