НҰР-СҰЛТАН, 05 мамыр.Бағдадтың «жасыл аймағына» бағытталған қолдан жасалған зымыран қаланың орталық бөлігіне құлады, деп ӨзА сілтеме жасап «Терроризмге қарсы комитет» РҚБ ресми сайты жазады.
Shafaq news ақпараттық порталының хабарлауынша, зымыран «Жасыл аймаққа» қарай атылған бірақ нысанаға жете алмай, Бағдад қаласының орталығындағы Абу Нувас көшесіндегі тұрғын үйге құлаған. Алдын ала мәлімет бойынша, оқиға салдарынан зардап шеккендер жоқ.
Портал дерегінше, Бағдадтың қауіпсіздік қызметі қаланың солтүстік-шығысындағы полиция бөлімшесі маңынан «жасыл аймаққа» ұшыруға бағытталған қондырғыны тапты. Бұған қоса, кейін Ирак қауіпсіздік қызметкерлері зымыран ұшыруға қатысы бар деген күдікпен ер адамды ұстаған.