НҰР-СҰЛТАН, 20 мамыр. Екатеринбургте сауда орталықтарына лаңкестік сипаттағы жалған қоқан-лоққылар туралы хабарлаған кәмелетке толмаған бала ұсталды. Ол өз кінәсін толығымен мойындады, деп Свердлов облысы бойынша ФҚҚ баспасөз қызметі мәлімдеді. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты хабарлайды.
«Свердлов облысы бойынша Федералды қауіпсіздік қызметі басқармасының «К» бөлімінің және облыс бойынша ІІМ Бас басқармасының экстремизмге қарсы іс-қимыл орталығының қызметкерлері Екатеринбург пен Каменск-Оралда орналасқан сауда орталықтарында террористік сипаттағы жалған хабарлама таратқан кәмелетке толмаған баланы анықтап, ұстады», — делінген хабарламада.
ФҚҚБ мәліметінше, 2021 жылдың желтоқсанында жасөспірім Veer Mall сауда орталығына (Екатеринбург), 2022 жылдың қаңтарында – «Каменск-Сити молл» мен «Пассаж» (Екатеринбург) сауда орталығына хабарлама жіберген.
«Бұған дейін жасөспірім жалған миналау туралы алгоритмдері мен әдістерін зерттеп, заңсыз әрекеттерінің нәтижелерімен бір-бірімен бөліскен интернет-қоғамдастықтың қызметіне тартылған. Қазіргі уақытта азамат Ресей Федерациясының Қылмыстық кодексінің 207-бабының 2-бөлігінде («Терроризм актісі туралы көрінеу жалған хабарлау»), көзделген қылмысты жасағаны үшін өз кінәсін толық мойындады», — деп нақтылады ФҚҚ.
Терроризм актісі туралы көрінеу жалған хабар үшін қылмыстық жауапкершілік 14 жастан басталады. Бұл ретте жедел жәрдем бригадаларының, Төтенше жағдайлар министрлігінің және басқа да арнайы қызметтердің жұмысына байланысты мүліктік және материалдық залал үшін кінәлілер немесе олардың ата-аналары немесе заңды өкілдері жауапты болады.
