АЛМАТЫ, 22 мамыр. Осы аптада еліміздің бірқатар өңірлерінде терроризмге қарсы күрес жөніндегі жедел штаб құрамына кіретін жедел топтармен лаңкестік қауіптер туындаған кездегі әрекет ету топтарының іс-қимылдары бойынша оқу-жаттығулар өтті, деп ҚР ТҚО сілтеме жасап «Терроризмге қарсы комитет» РҚБ ресми сайты хабарлайды.
Алматыда іс-шараға 80-ге жуық ПД жол-патрульдік қызметі (ЖПҚ), ТЖД құтқару жұмыстары қызметі, Апаттар медицинасы орталығы, ҚазАвиаҚұтқару, Өрт сөндіру және авариялық-құтқару жұмыстары қызметі және Санитарлық-эпидемиологиялық бақылау департаментінің өкілдері қатысты.
Сабақтың мақсаты: Бастапқы әрекет ету күштерінің теориялық және практикалық дайындық деңгейін арттыру.
Қатысушыларға «жедел топтарды құру қағидаларының, олардың терроризмге қарсы операцияны дайындау және өткізу барысындағы іс-қимылдарының егжей-тегжейлі тізбесінің» талаптары жеткізілді, террористік қауіп кезінде жедел топтардың ден қою, терроризмге қарсы түрлі деңгейдегі оқу-жаттығулардағы, жаттығулар мен эксперименттердегі іс-қимылдар мәселелері қарастырылды.
Қоршау, бұғаттау және авариялық-құтқару жұмыстары мен кезек күттірмейтін жұмыстар топтарына терроризмге қарсы іс-қимыл саласындағы нормативтік-құқықтық актілер және терроризм актісі туралы сигнал алған кездегі бастапқы іс-қимылдар алгоритмі түсіндірілді.
Ұйымдастырушылар қатысушылардың функционалдық міндеттері мен нақты жағдай туындаған кездегі практикалық әрекеттерін қамтитын білімдерін тексерді.
Өткізілген сабақтардың талдауы мұндай іс-шаралар терроризм актінің ықтимал қауіптері мен салдарын барынша азайту (жою) бойынша әрекет етудің бастапқы күштерінің кәсіби дайындық деңгейін арттыруға айтарлықтай ықпал ететінін көрсетті.
Жалпы 230-ға жуық адамның қатысуымен осындай сабақтар Қостанай, Қызылорда және Шығыс Қазақстан облыстарында өтті.
