НҰР-СҰЛТАН, 04 маусым. 14 мамырда Буффалодағы (Нью-Йорк) супермаркетте 10 қара нәсілді адамдарды атып, тағы үшеуін жаралаған ер адам бейсенбі күні 25 бап бойынша сот алдында жауап беруі керек, деп жергілікті БАҚ хабарлайды, деп Синьхуа агенттігіне сілтеме жасап «Терроризмге қарсы комитет» РҚБ ресми сайты жазады.

Сәрсенбіде үлкен қазылар алқасы атқышты жек көрушіліктен туындаған бірінші дәрежелі ішкі терроризм актісі үшін айыптады. Құқық қорғау органдарындағы дереккөздің айтуынша, Нью-Йорк штатындағы үлкен қазылар алқасы мұндай айыптауды алғаш рет шығарып отыр.

19 мамырда күдіктіге бірінші дәрежелі кісі өлтірді деген айып тағылды.

АҚШ федералды билігі де бұл оқиғаны жек көрушілік негізіндегі қылмыс және нәсілдік негіздегі зорлық-зомбылық экстремизмі ретінде тергеп жатыр, деді ФТБ жергілікті бөлімшесінің арнайы агенті Стивен Белонгиа.

14 мамырда күдікті өз үйінен негізінен қара нәсілділер тұратын Буффало аймағына келіп , супермаркетте жаппай атыс ұйымдастырған.