НҰР-СҰЛТАН, 09 маусым. 8 маусым күні Сербия астанасы Белградтың 200 мектебі жалған миналау нысанына айналды. Олардың жұмысы тоқтатылды. Полиция ғимараттарды тексерді, деп елдің білім министрлігі хабарлады.  Бұл туралы Stopterror.uz сілтеме жасап «Терроризмге қарсы комитет» РҚБ ресми сайты жазады.

Сербияда соңғы айларда мектептерге, әкімшілік ғимараттарға, көпірлер мен туристік орындарға жарылғыш құрылғылар қойылғаны туралы мыңнан астам хабарлама болғанын атап өткен жөн. Сәрсенбі күні балабақша қауіп-қатер дабылы бойынша бірінші рет көтерілді. Осы уақытқа дейін барлық хабарлар жалған болды.

Сәрсенбі күнгі істің басқалардан айырмашылығы, қоқан-лоққы жіберуші өз хатында үш кісі өлтіргенін айтып, сонымен қатар: «Менде ештеңе қалмады, бірақ менде тапанша бар» деп мәлімдеген.

Бірнеше апта бұрын жүзден астам серб мектебіне бомба қойылды деген қауіп болған. Бірақ сол кездің өзінде полиция ешбір ғимараттан жарылғыш зат таппады.

Соңғы бірнеше аптада Сербия Ішкі істер министрлігі қауіп-қатер түскен жиырмадан астам шетелдік электрондық пошта мекенжайларын, сондай-ақ серб мекенжайларынан жалған дабыл жіберген адамдарды анықтады.