НҰР-СҰЛТАН, 12 маусым. Дарааның солтүстігіндегі Дейр әл-Адас қаласының шығысындағы Әл-Аюн аймағында лаңкестер қалдырған мина жарылысынан зардап шеккендердің саны 11 адамға жетті, деп SANA агенттігіне сілтеме жасап «Терроризмге қарсы комитет» РҚБ ресми сайты хабарлайды.
САР ІІМ мәлімдемесінде қайғылы оқиға бидай жинауға шаруаларды тасымалдап келе жатқан көлік жолында болғаны айтылған. Салдарынан 11 адам қаза тауып, 26 адам жарақат алған.
Ведомствода саперлардың қайғылы оқиға орнынан 25 метрдей жерде екі минаны жарып , үшінші танкке қарсы минаны залалсыздандырғанын растады.
Денсаулық сақтау департаментінің басшысы Ашраф Бармоның айтуынша, 17 науқас елордадағы «Әл-Муджтахед» ауруханасына жатқызылды, қалғандары Дараа провинциясындағы Ас-Санамен қаласындағы ауруханада ем алып жатыр.
