НҰР-СҰЛТАН, 25 маусым. Ресей Федерациясында есірткіні интернетте насихаттағаны үшін қылмыстық жауапкершілік енгізілуі мүмкін, деп хабарлады Ресей ІІМ Есірткі айналымын бақылау жөніндегі бас басқармасы басшысының бірінші орынбасары Кирилл Смуров баспасөз мәслихатында. Бұл туралы РИА Новости агенттігіне сілтеме жасап «Терроризмге қарсы комитет» РҚБ ресми сайты жазады.
«Президенттің тапсырмасына сәйкес қазір жұмыс аяқталып келеді, ең алдымен есірткі туралы ақпаратты таратумен байланысты құқыққа қарсы қызметтің алдын алу және оны болдырмау мәселелерінде қарсы іс-қимылда айтарлықтай маңызды қадам Интернет желісінде және БАҚ-та, соның ішінде әлеуметтік желілерде есірткі құралдарын насихаттағаны үшін қылмыстық жауапкершілік белгілеу болуы тиіс деп үміттенеміз», — деді Смуров.
Оның айтуынша, алдын алу есірткінің таралуына қарсы тұрудың маңызды нысандарының бірі болып табылады, сондықтан интернетте таралатын ақпаратты бағалауға үлкен мән беріледі.
2021 жылдың ақпанында интернетте есірткі тұтынуға итермелеу үшін 15 жылға дейін бас бостандығынан айыру жазасын енгізу туралы заң қабылданды — сәйкес өзгерістер Ресей Федерациясы Қылмыстық кодексінің 230-бабына енгізілді.
Ресейде есірткіні насихаттағаны үшін Ресей Федерациясының Әкімшілік құқық бұзушылық туралы кодексінің 6.13 бабы бойынша сәйкес әкімшілік жауапкершілік қарастырылған, мысалы, рэпер Моргенштерн* мен блогер Юрий Дудьке* айыппұл салынды.
* Шетелдік агент ретінде әрекет ететін БАҚ
