НҰР-СҰЛТАН,  05 шілде. Дания астанасы Копенгагенде сауда орталығында болған атыс салдарынан үш адам қаза тапты, тағы үшеуінің жағдайы ауыр, деп Associated Press агенттігі хабарлайды.  Бұл туралы РИА Новости агенттігіне сілтеме жасап «Терроризмге қарсы комитет» РҚБ ресми сайты жазады. 

Field’s сауда орталығында атыс жексенбі күні кешке болды, келушілер үрейленіп орталықтан қашып кетті. Бір адам қамауға алынды, деп хабарлады қалалық полиция.

Бұған дейін елордалық полиция басшысы Серен Томассен сауда орталығындағы атыстан бірнеше адам қаза тапқанын хабарлаған. Оның айтуынша, күдікті 22 жастағы Дания азаматы, оның бұл әрекетке барған себебі белгісіз. Бұл ретте полиция оқиғаның теракт екенін жоққа шығармайды.