НҰР-СҰЛТАН, 09 тамыз. Түркия президенті Тайып Ердоған Сириядағы лаңкестер орналасқан соңғы аймақтарды жақын арада тазартады деді. Оның айтуынша, «Түркияның елдің оңтүстік шекарасында 30 шақырымдық қауіпсіздік шебін орнату туралы шешімі күшінде, — деп РИА Новостиге сілтеме жасап «Терроризмге қарсы комитет» РҚБ ресми сайты жазады.
«Жақында біз Сириядағы лаңкестер ұялаған соңғы аумақтарды тазарту арқылы осы қауіпсіздік белдеуінің сақиналарын біріктіреміз деп үміттенемін», — деді Ердоған Анкарада елшілер алдында сөйлеген сөзінде.
Бірнеше күн бұрын ел басшылары Владимир Путин мен Тайып Ердоғанның Сочидегі келіссөздер қорытындысы бойынша жасаған бірлескен мәлімдемесінде Ресей мен Түркия Сирияның тұтастығын сақтауды жақтайтыны және әрекет етуге бірге бел байлайтыны айтылған болатын.
