АСТАНА, 06 қазан. Новосібір облысы бойынша ФҚҚ   басқарма қызметкерлері Томск облысы бойынша басқармасымен  бірге Сібір федералды округінің аумағына синтетикалық есірткі жеткізу бойынша аймақаралық арнаның қызметін тоқтатты. Бұл туралы ТАСС ФҚҚ-ның Новосібір  облысындағы ресми өкілі Ирина Зеброваға сілтеме жасап хабарлады.

«Новосібірде қауіпсіздік қызметінің қызметкерлері интернет-дүкен арқылы есірткі жеткізу арнасын ұйымдастырған 1974 жылы туған Томск қаласының жұмыссыз тұрғынын ұстады. Есірткі сатушысы орман қоймасынан 1,9 келіден астам альфа-PVP есірткі затын алуға әрекеттену кезінде ұсталды», — деді агенттік сұхбатшысы.

Құны 4,5 миллион рубль болатын, құрамында күшті әсер ететін синтетикалық препараттың 5 мыңнан астам дозасы бар партия Новосібір, Томск және Кемерово облыстарында тарату жоспарланған.

Томск қаласының тұрғынына қатысты Ресей Федерациясының Қылмыстық кодексінің 30-бабының 3-бөлігінде  және 228.1 бабының 5-бөлігінде («Есірткі құралдарын аса ірі мөлшерде заңсыз өткізуге қастандық жасау») көзделген қылмыс бойынша қылмыстық іс қозғалды. «Ер адам қамауға алынды, сот қамауға алу түріндегі бұлтартпау шарасын таңдады», — деп қосты Зеброва.