АСТАНА, 17 қазан. Түрік әскерилері Сирияның солтүстігінде YPG (КЖП-ның сириялық қанаты – ред.) террористік ұйымының алты содырын залалсыздандырды, деп жазады Anadolu агенттігі .
Бұл туралы бейсенбі күні Түркияның Ұлттық қорғаныс министрлігі Twitter-де хабарлады.
Хабарға қарағанда, жойылған КЖП/YPG содырлары «Евфрат қалқаны», «Зәйтүн бұтағы» және «Бейбітшілік бұлағы» лаңкестікке қарсы операциялары аймақтарына шабуыл жасауға дайындалып жатқан.
АҚШ пен Еуропа Одағы КЖП-ны лаңкестік ұйымдар тізіміне енгізді.
Анкараның жағдайды шешу жолдарын іздеуге тырысқанына қарамастан, КЖП лаңкестік ұйымы 2015 жылдың шілдесінен бастап қарулы шабуылдарды қайта бастады.
Соңғы жылдары Күрдістанның жұмысшы партиясы аймақтағы қанды қылмыстар үшін жауапкершілікті өз тармақтарына жүктеуге тырысады.
Сирияда КЖП лаңкестері PYD және YPG аттарымен жамылып жүр, ал соңғы екі жылда өздерін «Сирия Демократиялық Күштері» деп атады.
