АСТАНА, 18 қазан. АҚШ қарулы күштерінің Африкадағы қолбасшылығының (AFRICOM) басшысы генерал Майкл Лэнгли дүйсенбі күні Рабатта екіжақты ынтымақтастыққа, сондай-ақ терроризммен және трансшекаралық қылмыспен күреске қатысты мәселелерді талқылады, деп Магриб Араб Пресс (МАП) ақпарат агенттігі хабарлайды. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты жазады.

АҚШ әскери қызметшісі Рабатта Ұлттық қорғаныс премьер-министрінің  жанындағы марокколық министр-делегат Абделлатиф Лудиймен және Корольдік қарулы күштердің  бас инспекторы, Оңтүстік аймақтың қолбасшысы Белхир әл-Фарукпен кездесті.

Тараптар «екі жақты ынтымақтастық қарым-қатынастарының қанықтығы мен тамаша жағдайына қанағаттанушылық білдірді, бұл екі ел күштерінің өзара әрекеттестіктің ең жақсы көрінісі болып табылады, дайындықты, тәжірибе алмасуды, тұрақты бірлескен оқу-жаттығуларды атап айтқанда «Африкалық арыстан» жаттығуларын, өткізуден көрінеді», — деді Корольдік қарулы күштердің  бас штаб мәлімдемесінде.

Әңгіме барысында Марокконың «Африкадағы трансшекаралық қылмыс, есірткі тасымалы, адам саудасы, сепаратизм мен терроризмнің байланысы сияқты көптеген қауіпсіздік сын-қатерлеріне қарсы тұруға қабілетті ел ретінде бейбітшілік пен тұрақтылықты қамтамасыз етудегі» маңызды рөлі атап өтілді.

Лэнгли екі күндік ресми сапармен Мароккода жүр.