АСТАНА, 26 қазан. БҰҰ-ның бітімгершілік операциялары лаңкестікке қарсы тиімділік шегіне жетті. Бұл туралы дүйсенбіде Сенегал президенті, Африка одағының (АО) қазіргі төрағасы Маки Саль айтты, деп ТАСС агенттігіне сілтеме жасап «Терроризмге қарсы комитет» РҚБ ресми сайты жазады.

 «Терроризм жағдайында БҰҰ-ның әдеттегі бітімгершілік операциялары өз шегін көрсетеді. Бізде БҰҰ жүйесіне қарсы ештеңе жоқ, бұл біздің жүйеміз.Бірақ менің ойымша, бұл форум осы жылдар ішінде доктринаны өзгерту уақыты келгенін дәлелдеу керек еді», — деп атап өтті Саль.

Ол Африкадағы бейбітшілік пен қауіпсіздік жөніндегі 8-ші Дакар халықаралық форумында сөз сөйледі. Ажанс де Пресс Сенегалез ақпарат агенттігінің хабарлауынша, оқиға Диамниадио қаласындағы (Дакар астанасынан шамамен 30 км жерде орналасқан) Абду Диуф халықаралық конференция орталығында өтіп жатыр.

«Өз базасында шабуылға ұшыраған «көк дулығалар» айтарлықтай жауап беру мүмкіндіктерінсіз, террористік топтар тарапынан қаупі төнген халықты қорғай алмайды», — деп жалғастырды АО төрағасы. — «Сондықтан біз БҰҰ-ның бітімгершілік операцияларының доктринасын өзгертуіміз керек, ол терроризмге қарсы күресті, соның ішінде Африкада да толық қамту үшін жаңартылуы керек».

Диамниадиодағы форумға 400-ден астам делегат қатысуда.