АСТАНА, 03 қараша. «Батал-қажы» сектасының мүшелерінде тінту жүргізілді. Олар 28 және 31 қазанда, 1 және 2 қарашада Магас пен Назрань қалаларында, сондай-ақ Сурхахи ауылында (Ингушетия Республикасы) өтті, деп «Известия » газетіне сілтеме жасап«Терроризмге қарсы комитет» РҚБ ресми сайты  хабарлайды.

Тінту кезінде ақша, діни әдебиеттер мен қару-жарақ, соның ішінде тапанша, граната мен мылтық табылды.

«Батал-қажы сектасы 19 ғасырда құрылған және оның жетекшілері діни факторды қылмыстық әрекет пен аймақтағы саяси ықпалды ақтау үшін пайдаланғаны белгілі. Оның мүшелері 2004 жылы Шамиль Басаев содырларының сыбайластары болып, оларды қару-жарақ пен оқ-дәрілермен қамтамасыз етті, ал 2009 жылы топ мүшелері «Невский экспрессіндегі» лаңкестік әрекетке қатысы бар деген күдікке ілінді.

2010 жылдың наурызында Ингушетия Республикасының Экажево ауылында Александр Тихомиров, сондай-ақ ағайынды Картоевтар — Тухан (террорлық топтың командирі), Назир, Ахмет және Магомед жойылды.

Тверь және Новгород облыстарының шекарасында «Невский экспресс» жолаушылар пойызындағы жарылыс 2009 жылдың 27 қарашасында болды. Жойылған «Батал-қажы» содырлары лаңкестік әрекетке қатысы бар деген күдікпен федералды іздеуде болды.

Жарылыс салдарынан 27 адам қаза тауып, тағы 130 адам жарақат алды.

«Невский экспресс» ісі бойынша тыңдаулар 2011 жылдың тамыз айында басталған. Ингушетияның он тумасы сот алдына келді: тоғыз ағайынды Картоевтар мен олардың жерлесі Зелимхан Аушев.

Тергеу мәліметтері бойынша, Тухан Картоев пен Аушев жарғышы бар екі қуатты бомба жасап, оларды Тверь облысына апарып, 2009 жылдың 20 қарашасында әртүрлі жерлерде теміржол рельстеріне қойған. Бір аптадан кейін, 27 қарашада сол жерден «Невский экспрессі» өтіп бара жатқан кезде, осы уақытқа дейін белгісіз террорист бомбаны жарып жіберген. Пойыздың 27 жолаушысы қаза тауып, тағы он адам жарақат алды. Прокуратураның тергеу комитетінің басшысы Александр Бастрыкин бастаған жедел-тергеу тобы жарылыс орнына жеткенде екінші бомба жарылған. Бұл жолы ешкім қаза болған жоқ.