АСТАНА, 08 қараша. Полицейлер әлеуметтік нысандарды жалған миналау туралы кемінде 11 хабарламаға қатысы бар күдіктіні ұстады, деп Алтай аймағы бойынша Ішкі істер министрлігінің бас басқармасының баспасөз орталығы мәлімдеді. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты жазады.
«Алдын ала мәлімет бойынша, күдікті 2022 жылдың қаңтар-қыркүйек аралығында жасырын қалуға және объективті деректерін ауыстыруға мүмкіндік беретін бағдарламалық құралдарды пайдаланып, сауда орталықтарын, әкімшілік ғимараттарды, әлеуметтік инфрақұрылым нысандарын миналау туралы бірнеше рет хабарлаған. Хабарламалар тек Алтай өлкесіндегі ғана емес, Ресей Федерациясының басқа аймақтарындағы, сондай-ақ оның шекарасынан тыс жерлердегі әртүрлі елді мекендерге жіберілген», — делінген хабарламада.
Күдіктіге қамауға алу түріндегі бұлтартпау шарасы тағайындалды. Ресей Федерациясы Қылмыстық кодексінің 207-бабы («Терроризм актісі туралы көрінеу жалған хабарлау») бойынша 11 қылмыстық іс қозғалды.
