Төтенше жағдайлар департаментінің хабарлауынша, 2 желтоқсанда Алматыда жоспарлы жалпықалалық сейсмикалық оқу-жаттығу өтеді. Ол жылына бір рет өткізіледі. Биылдың өзінде 3,5 мыңнан астам сейсмикалық оқу-жаттығу өткен.

«Сейсмикалық оқу-жаттығу өтетін күні сиреналық қондырғыларды іске қосу, теле және радиоарналар арқылы қалалық ескерту жүйесі іске қосылады, «Darmen» мобильді қосымшасы арқылы push-хабарламалар жіберіледі», — деді төтенше жағдайлар департаменті бастығының міндетін атқарушы Ерлан Әлібеков

Сейсмикалық дайындық бойынша негізгі оқу орны — АДК сауда ойын-сауық кешені. Онда адамдарды жинау, есепке алу және уақытша орналастыру элементтерін пысықтау үшін шатырлы лагерь, далалық асхана, азық-түлікпен қамтамасыз ету пункттері құрылады.

Барлық білім беру, денсаулық сақтау объектілерінде және қалада адамдар жаппай болатын (ӘКК, сауда орталығы, ТД) эвакуациялау үшін оқу элементтері әзірленеді, онда ТЖД қызметкерлері әдістемелік көмек көрсетеді және «Жер сілкінісі кезіндегі 10 қарапайым қадам» деген парақшалар таратады.

«Сейсмикалық оқу-жаттығулар жылдың суық мезгілінде жүргізіліп жатқандығына байланысты тұрғындарды жылы киініп эвакуациялауды сұраймыз. Сейсмикалық оқу-жаттығудың басты мақсаты — қала тұрғындарының төтенше жағдайлар кезіндегі іс-қимылдарға дайындық деңгейін арттыру. Халық эвакуациялау жолдарын, қауіпсіз жерлерді алдын ала белгілеп, шұғыл чемодандарды дайындайтындай»- деді Ерлан Әлібеков

Сейсмология институтының болжамдық комиссиясында айтылғандай, жыл соңына дейін қалада магнитудасы жеті және одан да көп балдық жер сілкінісі болжанып отырған жоқ. Сондықтан жүргізіліп жатқан қалалық сейсмикалық дайындық ешқандай болжанған жер сілкінісімен байланысты емес.