АСТАНА, 05 желтоқсан. Пәкістандық әскерилер елдің солтүстік-батысындағы Хайбер-Пахтунхва провинциясының Солтүстік Вазиристан тайпалық округіндегі операция кезінде лаңкестердің жетекшісін өлтірді. Бұл туралы Пәкістан армиясының баспасөз қызметі ретінде әрекет ететін Пәкістанның ведомствоаралық қоғаммен байланыс қызметінің /ISPR/ мәлімдемесіне сілтеме жасап Синьхуа агенттігі жазады. Бұл туралы «Терроризмге қарсы комитет» РҚБ ресми сайты хабарлайды.
Атыс жұма күні Шева аймағында лаңкестер мен сарбаздар арасында болды.
«Қарқынды атыс кезінде Саракай лақап атымен белгілі атышулы Мұхаммед Нұр есімді лаңкестердің жетекшісі өлтірілді. Өлтірілген лаңкестен қару мен оқ-дәрі тәркіленді», — деп хабарлады ISPR.
Мұхаммед Нұрдың қауіпсіздік күштеріне қарсы атышулы лаңкестік әрекеттерге, сондай-ақ ақша алу үшін ұрлау әрекеттеріне белсенді қатысқаны атап өтілген.
ISPR мәліметтері бойынша, оны провинциялық полиция терроризмге қатысты көптеген істерге қатысқаны үшін іздеген .
